تبين أحضر زفافك ..؟
تبين أحضر زفافك ..؟
وأنا جرحي دامي من فراقك ..
تبين أحضر زفافك ..؟
وأنا أتألم لبعدك وكيف أشوفك
بس أقول لك شيء...
الله يساعدك على يومك..
بصباحك الخير والحناَ والتجميل
وتكوير الشعر والزينة والبدي كير...
وحده مشغولة بشعرك والثانية تحت أمرك
والباقي مشغولين في حفلة التنكير
وأطفال بالورد والياسمين صفو بانتظارك طوابير
وأنتِ لهم بالبسمة والضحكة والنظرة توزعين
تقولين هذه ناس فرحانة بي ولا جنازة تفكرين
وأنا ابتسامتي ملت صبر شفاتي وتبغي تطير
ما أدري تفكرين فيني وأنت جالسه بالمنصة
ولا تقولين فكاك منك يا أكبر حقير...!!
أنتِ يخدمونك وكل الناس من حولك
وأنا الكل يبعد عني لأنهم يفكروني فقير
والليلة بس هي زفافك على ابن عمك
وأنا ممدٍ بالطول مرضان ونايم ع السرير
أنتِ تبارك لك الناس وتضمك وتحبك للفرح
وأنا تضمني وتتشافى لي لأن دمعي أسير
أنتِ يزفونك بالفرح وكلٍ حواليك منشرح
وأنا ينقلوني من سرير الألم ولموت بسرير
وأنتِ تفرحين وتضحكين من الوناسه
وأنا مقيد بآلامي مثل الأسير
وتبين أحضر زفافك...؟
وأنا جرحي دامي ويتجدد من فراقك
وتدمع عيونك من الفرحة بزفافك
وعيني تدمع بسبب حزني عليك
حبيبتي عيشي أيامك الحلوة رجيتك
وأنسي أتعس الأيام معي قضيتيها بماضيك
عيشي مع من يدوم لك ولسعادتك ..
وأنسي اللي كان سبب ظلمة لياليك ...
الشاعر/ علي العبادي
سلام من الله .. جميل ما خط هنا
ردحذفدام حبر قلمكم